2021. URTEKO SENTSIBILIZAZIO KANPAINA |
GEROZ ETA GEHIAGO GARA ETA NONAHI GAUDE
Atzegiren aurtengo sentsibilizazio kanpainak Atzegizalearen figura balioan jartzea du helburu. 2000. urtean sortu zuen Atzegik Atzegizalearen figura, adimen desgaitasuna duten pertsonekiko jarrera positiboa duten pertsonak identifikatzeko. Atzegizaleak nonahi daude eta adin eta itxura ezberdinak dituzte; adimen desgaitasuna duten pertsonak diren bezala onartzen dituzte, ez dituzte epaitzen, eurengan sinesten dute eta gizartean parte hartzeko aukerak ematen dizkiete. Gauza txikiak direla ematen duenez, Atzegizale batzuek oraindik ez dakite Atzegizaleak direla; ez da zertan boluntarioa izan behar edo Atzegiko ekintzetan parte hartu behar Atzegizalea izateko.
Urte hauetan zehar, Atzegizaleen taldea handituz joan da eta gero eta gehiago daude. Pertsonaren batek Atzegizalea dela uste badu, familia honen parte izatera gonbidatuta dago.
Kartela
Aurtengo kartelak deialdi bat egin nahi die atzegizaleak diren eta ez dakiten pertsonei, sare hon.
Bideoak
Kanpainaren bideo zentral moduan, animaziozko pieza bat sortu da, adimen desgaitasuna daukan pertsonaren baten egunerokotasuna erakusten duena; aurki ditzaken zailtasunak eta atzegizaleak egindako ekintzek nola egin egiten dien eguna errazago.
Bideo espezifikoago batzuk ere egin dira. Azken hilabetean zehar, astero, pildora txiki batzuk aurkeztu ditu Atzegik, ekintza edo jarrera txiki hauek erakusten dituztenak bizitzako arlo ezberdinetan: pertsonalean, gizartean, lan munduan eta kirol munduan.
Sarean
Atzegik "Atzegizalearen txokoa" aurkeztu du, www.atzegi.eus webgunean sortutako atala. Atzegizalearen figurarekin identifikatu diren pertsonak bertan sartzera gonbidatzen ditu, familia Atzegizale honen parte izan daitezen.
Kontuan izan beharreko data batzuk
Aurkezpen prentsaurrekoa
Azaroaren 19an, 11.00tan, Gipuzkoako Foru Aldundiko jauregian.
Eskualdeko ekintzak
AZAROAK 19:
- BEASAIN (18.00h, udaletxean)
AZAROAK 22:
- TRINTXERPE (18.00h, Trintxerpeko plazan)
-
TOLOSA (18.30h, Zerkausian)
-
ZARAUTZ (18.00h, udaletxeko pleno aretoan)
AZAROAK 23:
-
EIBAR (18.00h, txolartean)
-
IRUN (17.30h, Ensanche plazan)
AZAROAK 24:
- BERGARA (18.30h, udaletxean)
-
LEGAZPI (17.30h, txolartean)
-
LASARTE (18.00h, udaletxean)
AZAROAK 25:
- AZPEITI (17.30h, Basazabalen)
60. urteurrenaren ospakizuna
Abenduaren 20ean, 19.00etan Kursaalean ospatuko du Atzegik bere 60. urteurrena, lehengo urtean ezin izan baitzen ospatu. Ekitaldiak iraganera begiratuko du, baina gehien bat, etorkizunera, eta sorpresa eta momentu hunkigarriz betea egongo da. Joateko interesa badaukazue, idatzi atzegizale@atzegi.eus emailera edo 943 42 39 42 telefonora deitu gonbidapenak eskatzeko.
